Artan Grubi: Zëri i popullit është amanet..

Zëvendëskryeministri i parë, Artan Grubi nga Gostivari, në formë indirekte u dërgoi mesazh thirrjeve për largimin e tij nga ekzekutivi, përcjell TV21.

Ai tha se bashkë me kolegët e tij në ekzekutiv janë të përcaktuar në frymën e Ali Ahmetit, dhe se zëri i popullit është amanet.

“Kënaqësi të bashkëbisedojmë sot mbi kapitujt e suksesit që ka shkruar vendi deri më tani nën udhëheqjen e Ali Ahmetit dhe mbi misionet e së ardhmes europiane me qytetarët e këshillave vendorë: Lagjja e Sahatit, Beliçica, Zona e Shtatë, Balindoll, Balindolli i Vjetër, Pitarnicë, Vardari dhe Hekurudha në qytetin e Gostivarit.

Në asnjë moment nuk kemi devijuar nga përcaktimet tona properëndimore të zhvillimit, me kolegët e ekzekutivit të edukuar në frymën përparimtare dhe vizionare të Ali Ahmetit se zëri i popullit është amanet, po vazhdojmë të trasojmë fuqishëm rrugën e zhvillimit proeuropian të vendit në partneritet të plotë me SHBA-të dhe Bashkimin Europian.

Kjo qeveri properëndimore bashkë me ju do t’ia dalë të shkruajë kapitujt e ri të suksesit dhe të avancojë rrugën e integrimit të vendit në Bashkimit Europian!”, ka shkruar Grubi.

/tv21