Publikohen foto dhe poezi e rrallë e heroit Agim Ramadani..

Bashkëshortja e Heroit Agim Ramadani, Shukrija, ka shpërndarë një poezi tejet prekëse të shkruar nga heroi. Padyshim se Heroi Agim Ramadani, mbetet një nga figurat më të rëndësishme të historisë së re të Kosovës, i cili përveç pendës, ishte edhe mjeshtër i artit luftarak, të cilën e dëshmoi me rënien e tij në altarin e lirisë, duke u prirë njësiteve të UÇK-së, në thyerjen e Kufirit shqiptaro-shqiptar.

Agim Ramadani (3 Maj 1963 – 11 Prill 1999)
i njohur ndryshe me nofkën KATANA, ishte njëri prej komandantëve më të shquar dhe më aktivë të Ushtrisë Çlirimtare të Kosovës (UÇK) si dhe komandant i Koshares.
Lindi më 3 Maj 1963 në fshatin Zhegër të Komunës së Gjilanit dhe ra dëshmorë më 11 Prill 1999 në Koshare gjatë një luftimi fyt për fyt me forcat serbe.

Mori pjesë në Betejën e përgjakshme të Koshares e cila u zhvillua më 9 Prill të vitit 1999, ku edhe ishte komandant i Brigadës 138 deri në ditën e rënies së tij. Pas përfundimit të Luftës, ai u shpall Hero i Kosovës.

Në vargun e fundit të poezisë së titulluar “Kur të kthehem asgjë nuk do të jetë siç ishte më parë…”, heroi Katana sikur parandjen se nuk do të kthehet më.

Poezia plotë e heroit Agim Ramadani:

“Kur të kthehem asgjë nuk do të jetë siç ishte më parë…”

Kur të kthehem
Asgjë nuk do të jetë
Siç ishte më parë
Kur të kthehem

Sa do të jem i vetes
Nuk e di
Qentë e lagjes
Në mua do vërsulen
S’do të më njohë askushë

Njerëz tjerë do të jenë
Njerëz të gjakut tim
Kur të kthehem
Edhe Unë do të jem ndoshta
Një jetë tjetër.

FOTO:

/ms