Kasami: Kovaçevski nuk ka kapacitet dhe legjitimitet për udhëheqje të Qeverisë..

Kreu i Lëvizjes Besa, Bilall Kasami thotë se qeveria aktuale nuk ka legjitimitet sepse nuk ka dalë nga zgjedhjet e fundit.

Kasami thotë se për mbështetje të ndryshimeve kushtetuese, Lëvizja Besa ka si kusht vendosjen largimin e 20% që i referohet gjuhës shqipe.

“E kuptojmë që kryeministri Kovaçevski është në situatë të pa lakmueshme dhe duke mos pasur kapacitetin politik dhe legjitimitetin për të udhëhequr me Qeverinë e vendit, ai devijon qëndrimet politike të Lëvizjes BESA.

Kërkesa për zgjedhje të parakohshme parlamentare është kërkesë e shumicës së qytetarëve, pasi që kjo qeveri nuk buron nga legjitimiteti i marrë nga zgjedhjet e fundit parlamentare, prandaj nuk duhet që kryeministri t’i përzien tezat për ndryshimet kushtetuese dhe zgjedhjet e parakohshme.

Ndërsa, kur flasim për ndryshimet kushtetuese, Lëvizja BESA edhe njëherë riafirmon qëndrimin e saj se kërkon që të hiqet termi “20%” dhe të zëvendësohet me termin “gjuha shqipe”.

I nderuar kryeministër, çdo kush që është kundër gjuhës së një populli e sidomos në rrethanat e Maqedonisë së Veriut detyrimisht është edhe kundër vlerave evropiane dhe Bashkimit Evropian!”, shkruan Kasami.

/tv21