Tabanoc, radhë të gjata për hyrje në Maqedoni

Edhe gjatë këtij fundviti në vendkalimin kufitar në Tabanoc, mërgimtarët të cilët po arrijnë nga gjitha shtetet evropiane, për ti kaluar festat në vendlindje, po presin në radhë të gjata, madje kishte raportime për pritje me orë të tëra.

Në pikëkalimin kufitar në Tabanoc na njohtuan se radhë të gjata ka pasë gjatë pasdites së djeshme por edhe gjatë natës së kaluar, me çrast kanë qenë të vëna në funksion të gjitha korsitë për hyrje.

“Vij nga Italia, problem gjat rrugës nuk patëm në përjashtim në rrugët e Kroacisë por ama në përgjithësi mirë kaluam, super. Këtu në Tabanocë interesante ësht se sot nuk jemi duke pritur shumë ka gjysmë ore që jemi këtu”, tha një mërgimtar.

“Po vijmë nga Italia, mirë kaluam nuk kemi patur ndonjë problem, ka 5 minuta që po presim këtu në Tabanoc, sot duket të jet shumë mirë, po shkojmë në vendlindje në Negotinë të Gostivarit”, tha për TVM2 një mërgimtar.

“Vijmë na Zvicra, kemi 10 minuta që po presim këtu në Tabanoc, shumë mirë aaritëm shpejtë në vendlindje, meritojjnë rerspekt policia jonë kufitare, po shihet se po punojnë”, tha një mërgimtar.

“Deri sa erdhë këtu kaluam shumë mirë, por prej këtu ta shohim tani duket për ne si vështirë, vijmë nga Italia, kemi 20 minuta që po presim këtu në Tabanoc”, tha për TVM2 një mërgimtare.

Ndryshe nga mesnata e deri në ora 10.00 përmes vendkalimit kufitar në Tabanoc në vendin tonë kanë hyrë gjithsej 18.551 pasagjerë, nga të cilët 13.007 shtetas të RMV si dhe 5.544 shtetas të huaj.

Ndërkohë që në këtë periudhë kohore nga vendi kanë dalur 8.680, nga të cilët 4.259 shtetas të RMV dhe 4.421 shtetas të huaj. Frekuencë e shtuar pritet edhe gjatë ditëve në vijim kur pritet nga vendet evropiane të arrijnë edhe mërgimtarë të tjerë.

/mrt