Bill Gates rezultoi pozitiv me koronavirus..

Një nga njerëzit më të pasur në botë, Bill Gates, është pozitiv me koronavirus. Është e paqartë nëse Gates, i cili ka dhuruar miliona për të luftuar pandeminë, është pozitiv për Covid-19 për herë të parë.

Gates, 66 vjeç, njoftoi në Twitter se ai ishte izoluar me simptoma të lehta dhe kishte marrë një dozë përforcuese të vaksinës.
Ai tha gjithashtu se do të merrte pjesë virtualisht në një takim me njerëz nga fondacioni i tij.

Bashkëthemeluesi i Microsoft dhe multi-miliarderi Gates botoi një libër javën e kaluar me titull “Si të parandalojmë pandeminë e ardhshme” në të cilin ai shpjegoi se si vendet mund të bëjnë përpjekje të koordinuara për të parandaluar pandemitë dhe “eliminimin e të gjitha sëmundjeve të frymëmarrjes”.

Ai foli hapur se si autoritetet globale shëndetësore duhet t’i përgjigjen pandemisë dhe të shpërndajnë vaksinat. Fondacioni Bill & Melinda Gates thotë se ka dhuruar miliona për organizatat përfshirë Gavi dhe Organizatën Botërore të Shëndetësisë për të financuar testimin, trajtimin dhe shpërndarjen e vaksinave.

Në janar, Gates shkroi në Twitter se koronavirusi, “sapo Omicron të kalojë nëpër vend, mund të trajtohet më shumë si gripi sezonal”.

/alsatm