Kreu i çeçenëve kërcënon botën: Doni luftë? Luftë do të keni..

Kreu çeçen Ramzan Kadyrov ka kritikuar presidentin rus Vladimir Putin, duke thënë se po vepron shumë ngadalë në Ukrainë. Përmes një video ai ka kërkuar urdhra më të ashpra nga Putin.

Kadyrov do të dëshironte që Rusia të përdorte të gjithë “fuqinë e zjarrit” të saj për të marrë kontrollin e qyteteve kryesore të Ukrainës.

“Ti shkon shumë ngadalë. Ne duhet të fillojmë fazën e dytë të luftës, të hyjmë në qytetet Kharkiv, Kiev, Kherson dhe të marrim kontrollin e tyre”, tha gjenerali në video.
Gjithashtu ai kërcënoi dhe vendet “armiqësore”, duke thënë se nëse ata do të vazhdojnë me sanksione, atëhere do të kenë luftë.

“Nëse ata vazhdojnë me sanksione, ne do të luftojmë kundër sanksioneve, nëse ata duan luftë, ne do të luftojmë. Si luftëtar, i kërkoj udhëheqjes së shtetit që ta marrë këtë vendim sa më shpejt të jetë e mundur“, shtoi ai.

/infoshqip