Shoqata “Uskana” USA shpreh ngushllime për piktorin Omer Kaleshi

Sot kombi ynë mbeti pa një lis. Sot u shua Omer Kaleshi.
Pjesën më të madhe të jetës Omer Kaleshi e jetoi jasht vendlindjes por, si një Shqiptarë i mirë, kurrë nuk u shkëput nga rrënjët tona.

Vepra artistike e Omer Kaleshit ishte kryesisht me tematikë shqiptare, ku thuajse nostalgjia e tij për vendlindjen derdheshte në ngjyrat e pëlhurës në të cilën pikturonte një burrë me plis të bardhë, apo një nënë të përvuajtur.

Vepra e tij jehoi larg dhe nga arti i tij bota na njohu më mirë, na çmoi më shumë, dhe na pranoi më afër.
Edhe pse fitoi famë botërore, Omer Kaleshi mbeti Shqiptarë i thjeshtë, rrudhat e të cilit rrëfenin të njejtën nostalgji për një Shqiptari më të mirë se kjo që kemi, njëlloj si rrudhat e bujkut me plis mbi kokë, apo djersa e puntorit në vetullat e ngrysura.

Flokët e bardha të tija rrezatonin urtësi për të cilën bota jonë vuan më shumë se kurrë, kurse buzëqeshja e tij thurrte shpresë dhe kurajo që të bëhemi njerëz të mirë.
Omer Kaleshi me krenari prezentoheshte ai që ishte – Shqiptar nga Kërçova.

Si komb, humbëm shumë me shuarjen e Omer Kaleshit, dhe zemrat i kemi të rënduara.
Poashtu si komb, fituam përjetësi në botën e artit dhe për këtë i përulemi dhe e faleminderojmë pa kufi.

Hero është ai që përkushton jetën për diçka më të madhe se vetja.
Lavdi jetës së bukur të Omer Kaleshit.
Shoqata Uskana ShBA

/ms