Zvicrër: 4 të vdekur, 1 i plagosur rëndë në Montreux..
Policia e Kantonit Vaud raporton se katër persona u gjetën të vdekur në Montreux VD.
Nuk dihen ende rrethanat e tragjedisë.
Katër persona janë gjetur të vdekur në Montreux VD. Gjithashtu një person ka mbetur i plagosur rëndë.
Këtë e bën të ditur Policia e Vaudit në Twitter.
Së pari ajo raportoi se pesë persona kishin vdekur, informon portali Shtegu.
Të enjten në mëngjes, policia kantonale ngriti tenda në vendin e dramës së dyshuar pranë kazinosë.
“Njerëzit u hodhën nga kati i 7-të i një ndërtese”, thotë një zëdhënës i policisë për “Blick”.
Policia ishte lajmëruar nga kalimtarët, tha ajo për agjencinë e lajmeve SDA.
Një hetim ka nisur dhe më shumë informacion duhet të jepet më vonë këtë mëngjes.
Sipas një dëshmitari që ka qenë i pranishëm në vendngjarje, personat kanë qenë të shtrirë në tokë pa këpucë.
/shtegu.com