Sulmet ruse në Ukrainë.. Raportohet për 352 viktima, mes tyre 14 fëmijë..

Mediat ndërkombëtare raportojnë se sulmet ruse në Ukrainë kanë shkaktuar 352 viktima civile, mes tyre edhe 14 fëmijë.

Ndërsa të plagosur janë 1684 persona, 116 prej të cilëve fëmijë. Ditën e djeshme rusët qëlluan mbi një autobus që transportonte civilë në rrethin Okhtyrka, në rajonin Sumy, në Ukrainën verilindore.

“Kiev Independent” raporton se trupat ruse nuk lejuan ambulancat t’i afroheshin autobusit dhe zona përreth ishte e minuar.
Ndërkohë sot do të mbahet takimi mes Putinit dhe presidentit ukrainas Volodymyr Zelensky për të diskutuar në lidhje me çështjen. Megjithatë Zelensky deklaroi se nuk është shumë entuziast dhe se nuk pret të arrihet diçka nga ky takim.

/ts