Në Zvicër, për pak kohë pritet pensionimi të jetë më 68 vjet..
Këshilltari kombëtar i PLR Andri Silberschmidt, tha se “me një rritje të moshës së pensionit për gratë dhe burrat në 68 vjeç, financat e AVS mund të stabilizohen në afat të gjatë nga viti 2030”, shkruan NZZ, përcjell albinfo.ch.
Ndërkohë, shkalla e kontributit të punonjësve ose TVSH-ja mund të rritet deri në vitin 2032.
Po ashtu, një nismë e Liberalëve të Rinj Radikalë kërkon rritjen e moshës së pensionit në 66 vjeç.
Andri Silberschmidt, pra, tregon se nuk e kupton pse Këshilli Federal nuk e mbështet atë: “Në pikëpamje të këtyre skenarëve, nisma jonë është relativisht e moderuar”.
Ndërkohë, e majta po lufton me referendum paketën AVS 21 – e cila përafron moshën e pensionit për gratë me atë të burrave në 65 vjeç dhe përfshin një shtesë prej 0,4 pikësh TVSH. Në një nismë tjetër sindikatat kërkojnë pensionin e 13-të të AVS-së.
“Ne do të luftojmë rritjen e përgjithshme të moshës së pensionit,” tha këshilltarja kombëtare socialiste Barbara Gysi. Sipas saj, paga e barabartë midis burrave dhe grave dhe rezervat e Bankës Kombëtare mund të lehtësojnë financat e AVS.
/albinfo