Putin vendos në gatishmëri armët bërthamore..
Presidenti rus Vladimir Putin ka dhënë urdhër ministrit të mbrojtjes Sergej Shojgu që armët bërthamore t’i vendos në gjendje të gatishmërisë së lartë.
Urdhri siç raportojnë mediat ruse është përgjigje e siç thuhet agresionit të NATO-s, deklaratave të tyre, por edhe sanksioneve.
Hapi i Putinit, vjen vetëm disa orë pasi Rusia u ballafaqua me sanksione të ashpra financiare, shkruan Alsat. “Vendet perëndimore jo vetëm që ndërmorën veprime armiqësore ndaj vendit tonë në fushën ekonomike, por flas për sanksione jo legjitime për të cilat të gjithë janë të vetëdijshëm.
Liderët kryesor zyrtar të NATO-s gjithashtu kanë vënë deklarata agresive kundër shtetit tonë”, tha Vladimir Putin, President i Rusisë
Ndërsa Putin bëri një deklaratë të tillë, pritet të fillojnë negociatat midis delegacionit rus dhe ukrainas. Presidenti i Ukrainës Zelensky, njoftoi se marrëveshja për takim është arritur pas bisedës telefonike me homologun rus Aleksandar Llukashenko.
Kremlini më parë këmbëngulate që negociatat të zhvillohen në Minsk e më pas në rajonin Gomel ku herët në mëngjes ka arritur delegacioni rus i përbërë nga përfaqësues të Ministrisë së Jashtme, asaj të Mbrojtjes dhe këshilltari i presidentit Putin, Vlladimir Medinski.
“Presidenti Llukashenko, kërkoi nga presidenti Putin të mos e tërheq delegacionin rus për shkak se janë marrë sinjale nga pala ukrainase dhe është shprehur gatishmëri për negociata në rajonin Gomel. Delegacioni rus është plotësisht i përgatitur për negociata, i presim ukrainasit, tha Dimitri Peskov, Zëdhënss I Kremlinit
Presidenti ukrainas pranoi që bisedimet të zhvillohen në kufi me Bjellorusinë. Ai më parë ishte kategorik në qëndrimin se Minsku nuk është vendi më i përshtatshëm për negociata pasi pikërisht nga Bjellorusia ka ndodhur invazioni rus ndaj Ukrainës .
“Kuptohet që duam paqe, duam të takohemi dhe t’i vëmë fund luftës. Varshava, Bratisllava, Budapesti, Stambolli, Baku – i ofruam si qytete për bisedime për palën ruse dhe do të pranojmë cilindo qytet nga i cili nuk lëshohen raketa. Vetëm atëherë bisedimet mund të jenë të sinqerta dhe ti jepet fund luftës”, tha Vollodimir Zelensky, President I Ukrainës.
/Alsat.mk
