Shqipëria e dyta për dëbimet nga Gjermania..

Shumica e dëbimeve në shtetin e Gjermanisë janë kryer me Gjeorgjinë dhe Shqipërinë ku 1.116 vetë janë dëbuar në Gjeorgji, dhe 908 vetëm në Shqipëri. Edhe në Kosovë e Turqi ka pasur dëbime.

Rreth 400 vetë janë dëbuar në këto dy vende vitin e kaluar. Tek vendet e destinacionit për dëbime edhe vitin e kaluar është radhitur Serbia, Pakistani, Moldavia dhe Rumania.

Gjermania prej vitesh nuk dëbon më njerëz dhe në Siri, nga vera e kaluar u ndalën dëbimet në Afganistan, por vitin e kaluar 470 raste u dëbuan qytetarë me origjinë nga Siria e pa të drejtë qëndrimi në Gjermani, por jo në Siri. Qeveria gjermane ka bërë të ditur, se kthimi i tyre në vendin e origjinës kryhet vetëm vullnetarisht.

Në marrëveshjen e koalicionit të qeverisë gjermane të përbërë nga Socialdemokratët, Të Gjelbrit dhe Liberalët, thuhet se “ne fillojmë një ofensivë të kthimeve, për të zbatuar me konsekuencë largimin nga Gjermania, veçanërisht dëbimin e kriminelëve dhe personave të rrezikshëm”.

/alsatm