Maqedonia ka mungesë të madhe për kamariera..
Mungesa e stafit të punëtorëve në këtë sektor ka bërë që të ndjehet shumë, dhe kjo situatë më shumë ka filluar të ngjajë që me ardhjen e pandemisë së Kovid-19, ku dhe shumica e qytetarëve kanë humbur vendet e punës, si pasojë e krizës ekonomike dhe inflacionit të shkaktuar
Nëse bëni një shëtitje dhe kaloni nëpër dyqanet e qendrave tregtare, në komplekset e tregtisë së tekstilit apo në çarshitë e vendit përfshirë edhe objektet hotelerike, do të vëreni një gjë, që gjithandej në letrat të ngjitura, kërkohen punëtorë, shitës dhe kamerierë.
Mungesa e stafit të punëtorëve në këtë sektor ka bërë që të ndjehet shumë, dhe kjo situatë më shumë ka filluar të ngjajë që me ardhjen e pandemisë së Kovid-19, ku dhe shumica e qytetarëve kanë humbur vendet e punës, si pasojë e krizës ekonomike dhe inflacionit të shkaktuar.
Vetëm dy vitet e fundit, pra nga fillimi i krizës shëndetësore-ekonomike, sipas të dhënave të fundit të Sindikatës së punëtorëve të hotelierisë, turizmit thuhet se gjatë asaj periudhe nga katër mijë deri në 20 mijë punonjës janë larguar nga sektori i hotelerisë. Ky sektor ka pësuar goditjen më të madhe sidomos gjatë pandemisë, ku ka qenë dhe mbetet alarmante. Kompanive të hotelierisë dhe turizmit u mungojnë 50 për qind e stafit të kërkuar, kryesisht kamerierë, recepsionistë, kuzhinierë dhe ndihmës kuzhinierë.
Arsyet zakonisht i referohen, pagave të ulëta dhe mos kapaciteteve për të paguar punëtorët, së paku kështu thonë punonjës në çarshinë e vjetër të Shkupit. “Kemi pasur punë në vazhdimësi, por jo ashtu siç do duhej të ishte. Më përpara bënim llogari edhe për përfitimet tona, por edhe për t’i paguar punëtorët, por tani është vërtet e vështirë, paraprakisht ekzistojmë vetëm për mbijetesë, shumë prej kolegëve edhe kanë pushuar punonjës nga bizneset”, thekson F. Xhaferi, pronar i një kafeneje.
Ndërsa nga Oda Ekonomike e Maqedonisë Veriperëndimore, sqarojnë se Sektori privat viteve të fundit ka treguar se ka kapacitete për të punësuar dhe atë të u ofron të punësuarve kushte joshëse, por duket se qytetarëve u nevojitet edhe një dozë sigurie dhe komoditeti. “Ka shumë faktor të cilët ndikojnë në paraqitjen e kësaj dukurie, mirëpo ndër kryesoret është mos funksionimi i shtetit të së drejtës, niveli i konsiderueshëm i krimit dhe korrupsionit etj. Sektori privat viteve të fundit ka treguar se ka kapacitete për të punësuar dhe atë të u ofron të punësuarve kushte joshëse, por duket se qytetarëve u nevojitet edhe një dozë sigurie dhe komoditeti”, deklarojnë nga OEMV.
Nga anketimet e bëra të fundit, nxjerrin në pah se qytetarët më shumë i referohen pagave e ulëta si arsye për mungesën e punëtorëve në bizneset e ndryshme. Prej tyre thonë se 18 për qind mendojnë se arsyeja është paqëndrueshmëria dhe kushtet e këqija të punës dhe ofertave. Pronarët e lokaleve dhe biznese të ndryshme, informojnë se të rinjtë zakonisht emigrojnë dhe dalin jashtë vendit, për arsye të pagave të vogla, në përgjithësi aspektin ekonomik, në mënyrë që ata të realizojnë aspiratat e tyre.
/(koha.mk)
