Kryetari i Këshillit Skender Xhabiri u propozua nga LSDM..!

MANIPULANTËT E ZGJEDHJEVE, VOTUAN KANDIDATIN E PROPOZUAR NGA LSDM !
Ngjajshëm si në të shkuarën edhe në seancën e parë konstituive, vazhduan shkeljet procedurale dhe ligjore, duke filluar nga thirrja e mbledhjes së parë, por duke mos shpërndarë materialet në kohë dhe me afatet e caktuara në bazë të ligjit, statutit dhe të rregullores së Këshillit të Komunës.

Materialet për mbajtjen e seancave të këshillit duhet që minimun 7 ditë përara mbajtjes së seancës t’u dorzohen Këshilltarëve të zgjedhur bashkë me rendin e ditës, gjë e cila s’ka ndodhur mbasi materialet e mbledhjes këshilltarëve, u’janë dorzuar një ditë para seancës konstituive të Këshillit të Komunës së Kërçovës.

Në këtë mbledhje të Këshillit të Komunës, thirrur nga ish-Kryetari i Këshillit Dr. Aqif Mehdiu, të mbajtur në hapsirat e përcaktuara për mbajtjen e tyre, u përzgjodh Kryetari i Këshillit të ardhshëm të Komunës Z. Skender Xhabiri, por për habinë tonë i propozuar nga bartësi i listës së LSDM-së Ivanço Bozhinoski, edhe pse këtë propozim ka mundur ta bëjnë këshilltarët shqiptarë nga radhët e shumicës ose në bashkpunim dhe koordinim me këshilltarët e tjerë shqiptarë, të cilët bashkarisht përbëjnë shumicën e Këshillit Komunal.

Më pas vazhduan me manipulimin e radhës, e cila ka të bëjë me lojën që BDI, bëri me futjen në listën zgjedhore të personalitetve me dinjitet, për të fituar votat dhe që mëpastaj nën trysnin e kreut të komunës dhe të kryetarit të BDI-së, t’i tërhjekin nga këshilltarët e zgjedhur dhe në vend të tyre vijnë këshilltarët e ndëgjueshëm dhe të përshtatshëm, për kryetarin e Komunës.
Shkelja e rradhës do të bëhej në momentet që pas votimit të Kryesuesit të këshillit ato detyrohen të paraqesin dorëheqjet e tyre me sa vijon:

– Bartësi i listës së BDI-së Dr. Gazmend Jusufi,
– Këshilltari i zgjedhur Dr. Qemal Rushiti dhe
– Këshilltarja e zgjedhur Prof. Xhika Jahoja !!!

Lista e krijuar e Këshillit nën trysninë e madhe të Ali Ahmetit ( personalisht i ka lutur që të pranojnë dhe t’i ndihmojnë për të fituar e pastaj të tërhiqen…), në seancën e parë pësoi edhe një trysni më të ashpër në mënyrë që të njejtët të dorëhiqen ngase personalitetet e Tyre, mbeten të padëshirueshëm, për të realizuar planet e parapërcaktuara nga kryetari i Komunës dhe nga vetë kreu i BDI-së Ali Ahmeti.

Veprimet e këtilla dëshmuan edhe njëherë që u manipulua trupi votues, duke i gënjyer me figura tjera si Këshilltarë, dhe më pastaj për t’u marrë mandatin e fituar nga populli, përmes presioneve të liderit të deridjeshëm të tyre.

Seanca e sotme dëshmoi edhe njëherë që manipulimet, shkeljet ligjore, tentimet për keqpërdorime dhe korrupsioni do të vazhdojë edhe në mandatin e ardhshëm katërvjeçarë.
Të nderuar bashkëqytetarë, të cilët na falët besimin në zgjedhjet që përshkuam bashkë. Ne si shqiptarë fituam 12-të mandate Këshilltarësh, të cilët kishin mundësinë e krijimit të shumicës dhe arsyeja që kemi votuar “KUNDËR”, kandidatin e propozuar për Kryesues të Këshillit bazohet në të gjitha këto shkelje procedurale dhe ligjore si dhe për atë se propozimi për zgjedhjen e kryesuesit të këshillit të komunës erdhi nga radhët e LSDM-së.

Këto janë dëshmi se manipulimet e zgjedhjeve vazhdojnë dhe se do të vazhdojnë edhe në të ardhmen, por ne jemi këtu për të prezentuar drejtë dhe dinjitetëshëm interesin e votuesit dhe të elektoratit zgjedhor shqiptar, i cili në vazhdimësi manipulohet nga kryetari i komunës dhe nga strukturat partiake të BDI-së.

Nga grupi i këshilltarëve të pavarur të kandidatit të pavarur për Komunën e Kërçovës, Fatmir Limani.
10.11.2021
Kërçovë

/ms