Vërshimet bllokuan rrugët, çifti i ri shkon në dasmë hipur në tenxhere.. (VIDEO)

Një çift indian ka shkuar në vendin ku do të mbahej dasma e tyre përmes një mjeti krejtësisht të pazakontë të udhëtimit – me tenxhere. Këtë e bënë për shkak të vërshimeve që e kanë përfshirë vendin e tyre.

Në rrjete sociale u publikuan pamjet ku burri dhe gruaja shihen duke lundruar me një enë gjigante të bërë nga alumini. Ata ndihmoheshin nga dy burra, që e tërhiqnin enën, ndërsa fotografi i çiftit ecte pak para tyre.

Në pamjet që janë publikuar më vonë, u pa se dhëndri dhe nusja e re kishin mbërritur të sigurt në destinacion – në tempullin e vërshuar pjesërisht në Thalavady, shkruan The Guardian.

“Do të duhej të kishim rezervuar një barkë në vend të veturës”, dëgjohet duke thënë një burrë në prapaskenën e njërës prej videove të publikuara.

Reshjet e dendura gjatë katër ditëve në fundit kanë shkaktuar vërshime dhe rrëshqitje vdekjeprurëse të dheut. Lumenjtë kanë dalë nga shtrati i tyre, ndërsa shumë ura e rrugë janë shkatërruar nga uji.

VIDEO:

So this couple from Alappuzha district in Kerala used a large cooking vessel to wade through the flood water to get to their wedding venue. Even the wedding venue was flooded, but fortunately they managed to get married without missing the muhurtham time 🙂 pic.twitter.com/mqldzgKIkd

— Shilpa (@Shilpa1308) October 18, 2021

/alsatm