Gjermania shqyrton si të tërheqë fuqinë punëtore të kualifikuar nga vendet jashtë BE-së

Kancelarja gjermane Angela Merkel do të takohet sot me përfaqësues të lartë të biznesit dhe sindikatave gjermane për të diskutuar se si të tërheqin punëtorë të kualifikuar nga vendet jashtë Bashkimit Evropian.

Ndërsa vendi po përpiqet të përballojë mungesën e punëtorëve të kualifikuar, një ligj që do të bëjë më të lehtë për shtetasit jashtë BE-së për të marrë viza pune në Gjermani duhet të hyjë në fuqi më 1 mars, raporton AP.

Marrëveshjet e aplikueshme aktualisht për studentët e diplomuar shtrihen tek emigrantët me kualifikim profesional dhe njohuri të gjuhës gjermane.

“Shumë kompani në Gjermani janë duke kërkuar urgjentisht punëtorë të kualifikuar, pavarësisht rënies ekonomike,” tha Eric Schweitzer, kreu i Shoqatës Gjermane të Tregtisë së Dhomave për grupin e lajmeve Funke.

Ai gjithashtu tha se më shumë se 50 për qind e kompanive aktualisht rrezikohen për shkak të mungesës së fuqisë punëtore të kualifikuar.

Sektorët që përfshijnë teknologjinë e informacionit dhe infermierinë veçanërisht ankohen për mungesë punëtorësh.

“Në takimin e sotëm do të diskutohet se në cilat vende bizneset gjermane dëshirojnë të përqendrohen dhe adresojnë pengesat burokratike,” tha ministri i Punës Hubertus Heil për RBB Inforadio.

Si shembull, ai përmendi procesin e njohjes së kualifikimeve profesionale, aftësive gjuhësore dhe procedurave të vizave.

Ashtu si shumë vende të tjera evropiane, Gjermania po përpiqet të arrijë një ekuilibër midis nevojave të tregut të saj të punës, plakjes së popullsisë lokale dhe shqetësimeve për emigracionin.

/tetovasot