Më shum të vdekur nga korona tek qytetet shqiptare..(VIDEO)
Vdekshmëria e pacientëve me kovid është drastikisht e lartë në qytetet ku ka përqindje të ulët të vaksinimit. Kështu tregojnë të dhënat e fundit të Ministrisë së Shëndetësisë, të cilët informojnë se gjatë valës së katërt të kovidit, në periudhën nga korriku deri në fund të gushtit, analizat epidemiologjike tregojnë se vdekshmëria më e lartë në mesin e pacientëve me koronavirus ishte në vendet ku kishte përqindje më pak të imunizuar të popullsisë.
Në qytetet e Gjevgjelisë, Kavadarit, Resnjës dhe Berovës ku imunizmi i popullsisë është midis 54-61 për qind, numri I vdekjeve është më I ulët, respektivisht ka nga një të vdekur. Tetova, priti valën me vetëm 19 për qind të qytetarëve të vaksinuar në korrik, atje kishte presionin më të madh mbi spitalet, numrin më të madh të pacientëve të hospitalizuar dhe numrin më të lartë të vdekjeve, 106 deri në fund të gushtit.
Javët e fundit, interesi për vaksinim në Tetovë është rritur në mënyrë drastike dhe është gati 37 përqind. Situatë e ngjashme është edhe në Gostivar ku kishte numër të ulët të të vaksinuarve, në këtë qytet vaksinimi i të rriturve deri në fund të gushtit ishte nën 30 për qind , kurse numri i të vdekurve me kovid është 73.
QYTETET ME NIVEL TË ULËT TË VAKSINIMIT
Kërçovë, të vaksinuar 37.2% të vdekur 29
Tetovë, të vaksinuar 36.9% të vdekur 106
Kumanovë, të vaksinuar 33.2% të vdekur 43
Strumicë, të vaksinuar 32.1% të vdekur 19
Dibër, të vaksinuar 30.9% të vdekur 10
Gostivar, të vaksinuar 29.6% të vdekur 73
QYTETET ME NIVEL TË LARTË TË VAKSINIMIT
Kavadarë, të vaksinuar 61.0% të vdekur 1
Ohër, të vaksinuar 59.3% të vdekur 8
Gjevgjeli, të vaksinuar 59.2% të vdekur 1
Resnjë, të vaksinuar 58% të vdekur 1
Berovë, të vaksinuar 54.7% të vdekur 1
Manastir, të vaksinuar 54.5% të vdekur 7
Ndërkaq, autoritetet shëndetësore njoftojnë se në periudhën prej 6 gusht deri më 2 shtator, 83 për qind e rasteve pozitve dhe 87 për qind e të hospitalizuarve, ishin të pavaksinuar. Të imuniziuar llogariten personat që janë të vaksinuar me dy doza dhe kanë kaluar së paku 14 ditë nga pranimi I dozës së dytë.
Në këtë periudhë, në të gjithë teritorrin e vendit 22.416 qytetarë kanë qenë pozitiv, prej tyre vetëm 18 për qind ishin plotësisht të vaksinuar, ndërsa 18.225 qytetarë me koronavirus nuk kanë qenë të imunizuar.
Në periudhën e njëjtë kohore, 480 persona kanë humbur jetën si pasojë e koronavirusit, prej tyre 89 për qind nuk kanë qenë të vaksinuar, ndërsa vetëm 10 për qind e të vdekurve ishin të vaksinuar. Sipas analizave të vdekurit ishin me sëmundje kronike.
Ndërkaq, dje janë vaksinuar 13.037 qytetarë, prej tyre 3.475 persona kanë marrë dozën e parë. Gjithsej janë aplikuar 1.292.383 doza të vaksinës, ndërsa 555.322 qytetarë janë rivaksinuar.
Linda Ebibi /SHENJA/
VIDEO:
/tvshenja