Lajm i mirë Zvicra hoqi nga lista këtë shtet..

Zyra Federale e Shëndetit Publik ka azhurnuar sot kritert e saj për hyrje në Zvicër.
Siç dihet, lista aktuale e karantinës, e Zyrës Federale të Shëndetit Publik (BAG) ka hyrë në fuqi të hënën e kaluar (më 5 prill). Ndërkohë është përpiluar lista që hyn në fuqi nga 19 prilli.

Vendet që hynë në listë janë Turqia, Kroacia Armenia etj. Ndërsa, ajo që ka më shumë rëndësi për shqiptarët, Shqipëria, nga 19 prilli hiqet nga kjo listë, shkruan albinfo.ch.
Po kështu vendi model i vaksinimit, Izraeli dhe destinacioni i njohur i turizmit Xhamajka janë hequr nga lista.

Të gjitha vendet që janë në listë kanë më shumë se 60 infeksione mbi numrin e infeksioneve që ka Zvicra, për njëqind mijë banorë.
Zvicra aktualisht ka 213 infeksione për njëqind mijë banorë. Prandaj, në listë janë të gjitha vendet me 273 ose më shumë infeksione.

BAG ka një rregull të veçantë për vendet fqinje: rajonet direkt në kufi me Zvicrën nuk futen fare në listë. Kjo duhet t’u mundësojë udhëtarëve dhe punëtorëve ndërkufitarë të vazhdojnë qarkullimin.

Ndërkaq, në listë mund të shtohen të gjitha rajonet e tjera në vendet fqinje me Zvicrën, në Gjermani, Itali, Francë dhe Austri. Prandaj, rajone të reja italiane, franceze dhe gjermane janë në listën e re.
Që nga 8 shkurti, është i detyrueshëm testi negativ për të gjithë ata që hyjnë në Zvicër me aeroplan, përcjell albinfo.ch. Përveç testit të detyrueshëm, ekziston kriteri i karantinës dhjetë ditore për vendet në listën e rrezikut.

/albinfo