Në SHBA ka ndërruar jetë, Raim Jusufi- BRAJA
Në Shtetet e Bashkuara të Amerikës ka ndërruar jetë, Raim Jusufi- BRAJA, njeriu i cili në çdo copë të jetës barti në vete ndjesinë atdhedashurore të cilën nuk e tregëtoi për asgjë vetanake por e veneroi si relikte e çmuar për brezat që vijnë… Ai lindi në vitin 1957 në fshatin Zajaz të Kërcovës, në familjen patriotike të Brajëve, të cilën historiografia shqiptare e njeh për familje më të panënshtruar përballë sunduesve shekullorë… Mësimet fillore i kreu në vendlindje që mëpas të vazhdojë shkollimin profesional në qytetin e Gostivarit…
Por si shumë familje të tjera shqiptare që detyrohen të ikin nga vendlindja, për shkak të mospasjes së asnjë shtegu për të ndërtuar jetën, niset për në Austri… Aty janë nëntë muaj të vështira, punë e mundim për të blerë për pesë anëtarët e familjes biletat e një udhëtimi të gjatë drejt Amerikës…
Në tokë të huaj nis përballja e vërtetë me jetën… Malli për vendlindjen është i madh… Ndaj s`domend që të kthej kryet pas, atje tek origjina… Tashmë i burrëruar para kohe futet në lobin shqiptar të Amerikës për të ngritur zërin kundër kulçedrës së ballkanit që quhej Jugosllavi e cila kishte futur nën thundrën grabitëse pjesët më të mëdha të tokave shqiptare.
Ngriti zërin nëpër qindra takime e demostrata anekënd Amerikës për ta njohtuar atë se në ballkan jeton kombi më i vjetër i europës por i sakatuar padrejtësisht nga gërshërët hileqare të fqinjëve… Për këtë shkak i qe mohuar kthimi në vendlindje për 25 vite…
Pastaj kur Jugosllavia vdiq, si një shtegëtar i përbotshëm do të kthehej në vendin që kishte lindur për të ngritur sërish një kulm mbi kokë… Këtu do të ushqente ndjenjën atdhedashurore me njerëzit që e rrethonin… Papritur ndërron jetë në Amerikë… Varrimi bëhet më 3 mars 2021 në varrezat e Lemondit, afër Chicagos…
Shkruar nga Xhelal Ademi gjithashtu redakisa kercova.net i shpreh ngushllime familjes Jusufi
