Zvicër kërkohet të zbutet bllokimi menjëherë, të përfundojë më 1 mars..!

Federata Zvicerane e Tregtisë SGV po bën thirrje që bllokimi për shkak të koronavirusit të zbutet menjëherë, raporton srf.ch.
Kjo, sipas SGV duhet të mundësojë lejimin e hapjes së tarracave të lokaleve hoteliere e gastronome si dhe shitjet në natyrë në tregtinë me pakicë, transmeton albinfo.ch.

Ndërsa, që nga 1 marsi 2021, Federata e Tregtisë kërkon gjithashtu që ekonomia të hapet plotësisht.
Si masa shoqëruese, duhet të intensifikohen dhe zgjerohen testet e koronavirusit në mënyrë që të thyhen zinxhirët e infeksionit, thuhet në prononcimin e federatës në fjalë.

“Shifrat e brendshme nga Zyra Federale e Shëndetit Publik tregojnë se më pak se 5 për qind e të gjitha infeksioneve ndodhin brenda ekonomisë, përcjell albinfo.ch. E nga ana tjetër, pikërisht ekonomia është në bllokim”, është shprehur drejtori i SGV, Hans-Ulrich Bigler.

/albinfo