Në Zvicër themelohet Shoqata “Greshnica”, me kryetar Xhevahir Ramadani

Numrit të Shoqatave Kërçovare që ushtrojnë veprimtari ne Zvicër i’u shtua edhe Shoqata Humanitare ‘Greshnica’, e cila ka për qëllim kryesor përkrahjen e projekteve të ndryshme humanitare, me idenë që të ndihmojë dhe do të kontribuojë në përmirësimin e cilësisë së jetesës në vendlindje.

Shoqata me të themeluar ka kryer dhe organizuar disa aktivitete humanitare, aktivitete në ndihmë të arsimit me synimin që në të ardhmen të mbështesë edhe projekte tjera kulturore, sportive, infrastukturore, gjithmonë në interes të vendëlindjes”, deklaroi kryetari i kësaj shoqate Xhevahir Ramadani.

Ai në mes tjerash shtoi se shoqata do të jetë transparente dhe nuk ka interesa përfitimi personal apo grupor. Mbi të gjitha, shoqata do thellojë raportet e diasporës me vendlindjen. Krahas Kryetarit, shoqata ka edhe kryesinë e saj.

Shoqata për momentin numëron mbi 70 anëtarë. Për më shumë informacione rreth projekteve mund të ndiqni edhe web faqen e shoqatës info@greshnica.org .