Diaspora kërkon të përfaqësojë Kërçovën..! (VIDEO)

Diaspora kërçovare për zgjedhjet lokale të vitit 2021 vazhdon të mbetet në kërkesën që në këto zgjedhje në Komunën e Kërçovës kandidati për kryetar komune të jetë nga mërgata.
Përfaqësues të shoqatave të ndryshme joqeveritare të cilat veprojnë në diasporë mendojnë se një kandidat nga diaspora do ta unifikonte votën shqiptare në këtë komunë.

“Ne mendojmë se kandidati i diasporës do të bëjë unifikimin e votës shqiptare të Kërçovës dhe do t’i evitojë përçarjet e elektoratit shqiptar atje. Se gjithsesi mund të dalë me disa kandidatë që rrezikohet edhe humbja e drejtimit së Kërçovës nga shqiptarët. Ne mendojmë se kandidati i diasporës do të arrijë të mobilizojë dhe të sensibilizojë diasporën kërçovare”, tha Hadi Bajrami – Shoqata Kërçova.

Në takimin e fundvitit qe u mbajt nga kryetari i komunës me përfaqësuesit e diasporës, të njëjtit këtë e kërkuan hapur dhe thanë se nëse nuk realizohet kërkesa e kandidatit për kryetar, atëherë ata kërkojnë që një këshilltar t’i takojë diasporës.

“Çështja e një këshilltari në komunë prej diasporës d.m.th. ne si shoqatë jemi të interesuar që në legjislacionin e ardhshëm të Komunës së Kërçovës të ketë një përfaqësues prej diasporës”, u shpreh Resul Mehmedi – Sekretar i Shoqatës Kërçova në Zvicër.

Ditëve të fundit në opinionin publik përfliten disa emra si kandidatë të mundshëm nga diaspora shqiptare. Ndërsa nga ata të prononcohet për TV21 pranoi vetëm Mexhit Selmani I cili vepron dhe punon në Komunën e Geteborgut të Suedisë si shef i arsimit për nxënësit e huaj në komunë.

“Gjatë kësaj kohe që unë kam punuar dhe punoj këtu në Geteborg jam pajisur me dituri dhe me përvojë goxha të madhe në aspektin e menaxhimit me procese të ndërlikuara dhe me vendimarrje të ndërlikuara në procese të ndryshme të zhvillimit shoqëror në Geteborg. Unë mendoj se këtë përvojë që kam këtu me atë përvojë në kombinim dhe dituri dhe me atë kompetencë që ka në Komunën e Kërçovës, ne do ti kishim çu proceset aktuale por edhe proceset e reja më shpejt përpara”, potencoi Mexhit Selmani – Shef i Arsimit për të huaj në Komunën e Geteborgut.

Zgjedhjet lokale do të mbahen në vjeshtë të vitit 2021, javë më parë në lidhje më këtë çështje TV21 kontaktoi edhe partitë opozitare shqiptare në këtë komunë të cilat thanë se do të dalin me kandidat të vetin të përbashkët të opozitës por pa dhënë një emër se cili mund të jetë ai.

VIDEO:

/ts