Diaspora është pjesë e pandashme e shoqërisë kërçovare

Diaspora është pjesë e pandashme e shoqërisë kërçovare. Për fat të keq, ajo tani më përbën shumicën më aktive të shoqërisë jashtë Kërçovës.
Deri më sot, asnjë opsion politik shqiptar, përveç në formë gojore dhe gjatë ndonjë fushate zgjedhore, nuk ka ndërmarrë hapa konkret bashkëpunimi.

Sot ne kemi gjeneratën e dytë a të tretë të diasporës që kontribuon në shtetet më të zhvilluara si Zvicra, Amerika, Gjermania, Austria, Italia apo shtetet skandinave.
Kjo gjeneratë e ka dashurinë të paprekur ndaj atdheut të prindërve të tyre dhe të tyre por ajo nuk i beson llafollogjisë dhe demagogjisë së politikanëve karrieristë që s’janë të gatshëm të bëjnë as sakrificën më të vogël për të mirën e Atdheut.

Bashkëpunimi është shumë i mundshëm por me angazhim konkret dhe të rregulltë i nivelit më të lartë të organizimit politik shqiptar. Me gjeneratën e re nuk mund të dialogohet me stilin: “Ne kemi ardhdur t’ju dëgjojmë dhe ne i dimë të gjitha”. Të kujtojmë se shtetin e Izrailit e ndërtoi nga jashtë Diaspora e tij. Edhe ne i kemi mundësitë reale që të bejmë një gjë të tillë.

Por jo:” ne i dimë të gjitha”. Sepse puna dëshmon të kundërtën.
Vetëm bashkimi i njerëve me qëllime të mira dhe të përbashkta bën fuqinë.

Shkruan nga belgjika z.Milaim Ziberi