Prej sot nga 300 euro për çdo fëmijë në Gjermani

Prej sot ka filluar pagesa prej 300 euro për çdo fëmijë në Gjermani. Kjo është vetëm një nga masat e pakos shpëtimtare e dakorduar në qershor për përballje me pandeminë.

Pothuajse 18 milionë fëmijë do të marrin shtesë prej 300 euro, shkruan Mia.mk.

Shtesa është pjesë e pakos së madhe të përballjes me krizën e shkaktuar nga koronavirusi. Bëhet fjalë për 300 euro me çka 200 euro do të paguhen në shtator, ndërsa 100 eurot e tjera në tetor.

Kërkesa për pranimin e parave nuk dorëzohen, pagesa është në mënyrë automatike.

Parakushti i vetëm për marrjen e shumës është të shfrytëzohet shtesa fëmijërore të paktën një muaj këtë vit- ose bonus prej 300 euro do të marrin prindërit fëmijët e të cilëve do të lindin deri në fund të vitit.

/portalb