Këta heronj shqiptarë nga Zvicra nuk ia kanë frikën vapës

Vapë e nxehtë në kryeqytetin e Zvicrës, Bernë. Temperatura sillej diku rreth 30 gradë, ndërsa pishinat dhe lumenjtë ishin stërmbushur me vizitorë. Përderisa shumica kërkonin ndonjë hije të freskët, kompania “Huldi + Stucki Strassen- und Tiefbau AG” edhe më tej përkujdesej për cilësinë e rrugëve zvicerane, duke i riparuar.

Por për këta heronj të kantiereve zvicerane, nuk ka pengesa. Gazetari i Shtegu.com spontanisht takoi katër shqiptarë nga Kosova që po riparonin një rrugicë në një lagje të Bernës. Ishte kohë e drekës dhe pothuajse i gjithë qyteti po drekonte nëpër restorante. Të katër kosovarët nuk donin të dinë për vapën e rëndë, e as që e kishin ndrëmend ta ndalin punën.

“Asfalti duhet shtruar derisa është ende i nxehtë, përndryshe nuk funksionon”, rrëfen njëri nga punëtorët me prejardhje nga Prizreni. Edhe dy të tjerë janë po nga i njëjti qytet, ndërsa i katërti nga Ferizaj.

“A nuk e keni vapë?”, pyet gazetari. “Aspak, për ne kjo është një ditë e freskët, duke pasur parasysh se kemi punuar edhe në temperatura shumë më të larta. Por, njeriu e krijon shprehinë dhe asgjë më nuk është e rëndë”, rrëfen një tjetër përderisa disa klimtarë të rastit nuk i heqin sytë nga asfalti përvëlues që po i mbulonte disa pjesë të trotuarit, të mahnitur me fuqinë dhe qëndrueshmërinë e punëtorëve për të përfunduar punimet.

“E kur do të drekoni`”, shtohej kurreshtja e gazetarit. “Sapo ta përfundojmë edhe këtë pjesë të trotuarit dhe mandej kemi pauzë të rregullt dhe mund të drekojmë”, shpjegon i treti.

Të shpresojmë se gjithçka do të shkojë në rregull, duke pasur parasysh se nxehtësia e madhe është e rrezikshme për punëtorët nëpër kantiere, e sidomos ata të riparimit të rrugëve që kanë të bëjnë me asfaltimin e tyre.

Ditët e nxehta e bëjnë punën nëpër kantiere edhe më të ashpër dhe të rrezikshme. Me këtë rast është e rëndësishme mbrojtja speciale:

Punëdhënësi është përgjegjës për shëndetin e punonjësve të tij. Punonjësit gjithashtu duhet të mbrohen.

Detyrimet e punëdhënësit

Punëdhënësi është përgjegjës për shëndetin e punonjësve të tij. Kjo do të thotë se ai duhet të: Siguroj pajisje mbrojtëse (veshje të përshtatshme, kremë dielli, etj.) dhe ujë të mjaftueshëm;

Organizim i pauzave nën hije të freskëta dhe mbrojtje nga rrezet e forta të diellit;

Adaptoni organizimin e punës me temperaturat (punë e vështirë në mëngjes, pushime shtesë dhe më të gjata, kufizoni punën fizike)

Nëse temperatura mbi 35 ° C është e dëmshme për shëndetin, ndaloni punën plotësisht;

Garantoni ndihmën e parë dhe siguroni që punëtorët e ndërtimit të monitorohen për shenja të dëmtimit shëndetësor. Mbroni vetveten!

Nga ana tjetër, çdo punëtor ndërtimi bën mirë në interes të shëndetit të tij:

ta mbrojë lëkurën e tij me veshje dhe kremë dielli;

të mbajë syze dielli për të mbrojtur sytë;

të pijë ujë të mjaftueshëm, në ditë të nxehta të paktën 3 deri në 6 litra.

Një gjë të tillë punëtorët e konfirmuan se i kanë të gjitha kushtet: ujë të freskët, kremat kundër rrezeve por edhe pauzat e njëpasnjëshme sipas kushteve klimatike.

/Shtegu.com