Alarm nga Maqedonia! Shi i rrëmbyeshëm dhe erëra mbi 80 km/h!

Alarm nga Maqedonia! Shi i rrëmbyeshëm dhe erëra mbi 80 km/h!

Drejtoria për Punë Hidrometeorologjike (DPHM) ka lëshuar alarm meteorologjik për shkak të reshjeve të shiut dhe erërave të fuqishme që pritet të përfshijnë vendin.
Sot, 18 nëntor, moti do të jetë me vranësira të ndryshueshme dhe reshje lokale shiu. Në disa pjesë të vendit priten reshje më të dendura, ndërsa era jugperëndimore në zonat perëndimore do të arrijë shpejtësi mbi 80 kilometra në orë.


Temperaturat minimale do të lëvizin nga 4 deri në 11 gradë, ndërsa maksimalet nga 17 deri në 21 gradë Celsius.
Në Shkup pritet mot pjesërisht i vranët, me intervale me diell dhe mundësi për reshje të dobëta kah fundi i ditës. Era do të jetë kryesisht e dobët deri mesatare.

Sipas parashikimeve, moti relativisht i ngrohtë do të vazhdojë deri të premten, ndërsa nga e shtuna pritet rënie e temperaturave.
Autoritetet meteorologjike u bëjnë thirrje qytetarëve të kenë kujdes, veçanërisht në zonat ku priten erëra të fuqishme.


/lajmpress

 




>