Kërçovë: Rinovohen stolat e dëmtuar nga vandalizmi përgjatë lumit Sushica

Kërçovë: Rinovohen stolat e dëmtuar nga vandalizmi përgjatë lumit Sushica

Ekipet e NPK “Komunalec” kanë rinovuar dje stolat e vendosur përgjatë bregut të lumit Sushica, të cilët më parë ishin dëmtuar si pasojë e një akti vandalizmi nga autorë të panjohur.


Nga ndërmarrja bëjnë të ditur se punonjësit kujdesen vazhdimisht për mirëmbajtjen dhe rregullimin e hapësirave publike, me qëllim që qytetarët të kenë një mjedis të pastër, të rregulluar dhe të këndshëm.

NPK “Komunalec” u bën thirrje qytetarëve të mbrojnë pronën publike dhe të sillen me ndërgjegje e përgjegjësi, duke kontribuar në ruajtjen e pajisjeve urbane dhe të mirave të përbashkëta.


“Prona publike është e mira jonë e përbashkët! Le ta mbrojmë atë që është për të gjithë ne!”, thuhet në apelin e ndërmarrjes.

/ms