31-vjeçarja raportohet e zhdukur, policia nis kërkimet

Një grua 31-vjeçare nga Kumanova është raportuar e zhdukur nga babai i saj, ndërsa policia ka ndërmarrë masa për gjetjen e saj.

Sipas njoftimit të Sektorit për Punë të Brendshme në Kumanovë, denoncimi është bërë më 4 nëntor 2026, në orën 20:00, nga një 54-vjeçar me inicialet M.M., banues në Kumanovë.

Ai ka njoftuar autoritetet policore se vajza e tij, M.Xh. (31), është larguar nga shtëpia.

Nga SPB Kumanovë bëjnë të ditur se po ndërmerren masa për lokalizimin dhe gjetjen e 31-vjeçares.

Deri në publikimin e njoftimit, autoritetet nuk kanë dhënë hollësi të tjera lidhur me rrethanat e largimit apo vendndodhjen e saj.

/lajmpress