Osman Veliu nga Kërçova realizon orë të personalizuara për emisionin “Opinion” të Blendi Fejziut! (VIDEO)

Talenti dhe mjeshtëria e Osman Veliut nga Kërçova po gjejnë gjithnjë e më shumë hapësirë në projekte dhe bashkëpunime me emra të njohur shqiptarë.
Përmes brendit të tij të orëve luksoze, Osman Veliu ka realizuar orë të personalizuara edhe për emisionin e njohur televiziv **“Opinion” të gazetarit dhe moderatorit Blendi Fevziu**.

Ky bashkëpunim përbën një tjetër dëshmi të rrugëtimit të tij profesional dhe të vlerësimit për krijimtarinë, origjinalitetin dhe përkushtimin ndaj detajeve.
I lindur në Kërçovë më 3 dhjetor 1997, Osmani e shndërroi pasionin për horologjinë në një veprimtari profesionale, duke themeluar në vitin 2022 brendin e tij të orëve. Krijimet e tij dallohen për mekanizmat zviceranë, dizajnin e veçantë dhe ndërthurjen e mjeshtërisë moderne me motive të historisë dhe identitetit shqiptar.

Përveç orëve luksoze, së fundmi, në partneritet me Gentian Abdiun, ka bashkëthemeluar edhe **Albography**, brend të stilolapsave luksozë të frymëzuar nga trashëgimia historike dhe kulturore shqiptare.

Nga Kërçova drejt bashkëpunimeve me emra të njohur të skenës publike shqiptare, Osman Veliu dëshmon se pasioni, puna dhe kreativiteti mund të shndërrohen në një histori të suksesshme sipërmarrjeje.
**Një tjetër histori suksesi që vjen nga Kërçova dhe që meriton vëmendje!**

VIDEO:

/tvgurra