Kujdes ! Këshillat mjekësore nga AI shpesh të pasakta

Përdorimi i chatbotëve si ChatGPT, Gemini dhe Grok për këshilla shëndetësore mund të jetë i rrezikshëm, sipas një studimi të ri të publikuar në British Medical Journal.

Nga përgjigjet e pesë chatbotëve të analizuar, rreth gjysma u vlerësuan si problematike dhe afërsisht 20% si shumë problematike. Pasaktësitë ishin më të shpeshta në temat e ushqyerjes, performancës sportive dhe trajtimeve me qeliza staminale.

Pyetjet e hapura sillnin më shumë përgjigje të rrezikshme. Gemini pati rezultatet më të mira relative, ndërsa Grok më shumë përgjigje shumë problematike.

Ekspertët theksojnë se chatbotët mund të shërbejnë për informacion fillestar, por këshillat e tyre duhen verifikuar dhe nuk duhet të zëvendësojnë konsultën me mjekun.

/ts