Talbina ushqimi profetik ?

Talbina është një ushqim i thjeshtë tradicional, i përgatitur kryesisht nga mielli i elbit, i zier me ujë ose qumësht. Ajo njihet veçanërisht në traditën islame, sepse përmendet në hadithe.

Aishja (Allahu qoftë i kënaqur me të) e rekomandonte talbinën për të sëmurët dhe për personat që përjetonin pikëllim. Në hadith transmetohet se Profeti Muhamed ﷺ ka thënë se talbina e qetëson zemrën e të sëmurit dhe pakëson një pjesë të pikëllimit.

Përveç vlerës së saj në traditën profetike, elbi është një drithë i pasur me fibra dhe përbërës ushqyes. Talbina është e ngrohtë, e butë dhe shumë e përshtatshme sidomos si mëngjes gjatë ditëve të ftohta të vjeshtës dhe dimrit.

Tradicionalisht mund të përgatitet shumë thjesht: miell elbi + qumësht ose ujë, ndërsa për shije mund t’i shtohet mjaltë. Një ushqim i lashtë, i thjeshtë dhe ushqyes që ia vlen ta rikthejmë në tryezat tona.

/ms