“Mos na provokoni”, Putin kërcënon Europën: Armët bërthamore janë gati për kundërpërgjigje !

Putin paralajmëron: Një sulm ndaj Rusisë mund të sjellë përdorimin e armëve bërthamore
Presidenti rus, Vladimir Putin, paralajmëroi në forumin “Valdai” se një sulm i drejtpërdrejtë ndaj Rusisë, përfshirë Kaliningradin, mund të çojë në përdorimin e të gjitha armëve që vendi ka në dispozicion, përfshirë ato bërthamore.

Ai pretendoi se Rusia nuk planifikon të sulmojë vende evropiane, por do të përgjigjet nëse sulmohet. Gjithashtu, e cilësoi furnizimin e Ukrainës me armë si kërcënim për Moskën.

Putin tha se dobësimi i dominimit perëndimor do të hapë rrugën drejt një rendi botëror shumëpolar, ndërsa paralajmëroi se ky ndryshim do të shoqërohet me rreziqe dhe konflikte.

Duke folur për sulmet ukrainase ndaj infrastrukturës energjetike ruse, ai pranoi se, sipas vlerësimeve të Moskës, dëmi ekonomik arrin rreth 1% të PBB-së së Rusisë.

/ts