Republika shqiptare e UDBASHËVE dhe kurvarëve !

Sot, skena jonë politike dhe shoqërore po lëngon nga një sëmundje e rëndë kronike, ku idealet e dikurshme kombëtare janë zëvendësuar nga një realitet i shëmtuar. Ajo që po shohim përditë, fatkeqësisht, po merr trajtat e një “republike” virtuale e të pashpallur – një hapësirë ku pushtetin e vërtetë, në hije ose në dritë, e mbajnë dy kategori të rrezikshme: udbashët e vjetër e të rinj dhe kurvarët e moralit e të pushtetit.

Nga njëra anë, hija e udbashllëkut – e atyre strukturave që dikur u shërbenin sistemeve totalitare – vazhdon të jetë e gjallë përmes bashkëpunëtorëve të cilët ndërruan vetëm kostumet, por jo zanatin. Këta matrapazë, të mësuar me shantazhe, intriga dhe manipulime pas shpine, kanë infektuar institucionet. Ata nuk punojnë për interesat e qytetarëve, por për llogari të qarqeve të huaja dhe klaneve të tyre private, duke sabotuar çdo përpjekje të sinqertë për përparim nacional e shtetëror.

Nga ana tjetër, ky sistem ushqehet nga kurvarët politikë – njerëz të zhveshur nga çdo parim moral, që tradhtojnë besimin e popullit për një grusht parash ose për interesa të ulëta e meskine. Ata e shohin shtetin dhe postin si plaçkë dhe si mjet për të kënaqur egot epshore dhe luksin e tyre të shfrenuar. Kurvëria e tyre nuk është thjesht çështje private; ajo është një degjenerim publik, një tradhti ndaj kombit, votës, arsimit, kulturës dhe dinjitetit të këtij populli.

Kombinimi i këtyre dy dukurive krijon një rreth vicioz, ku vlerat përmbysen: i ndershmi mënjanohet, kurse i ligu dhe spiuni ngrihen në piedestal. Për sa kohë Shqipëria jonë do të tolerojë të udhëhiqet nga klanet e udbashëve sabotues dhe kurvarëve të paskrupullt, liria dhe zhvillimi i vërtetë do të mbeten vetëm një ëndërr e largët.

Është koha e fundit për një zgjim të vetëdijes dhe për t’u përballur me këta të ligj që po na marrin në qafë të ardhmen e shqiptarëve.
Shkruan Sulejman Mehazi

/lajmpress