Aksion i madh policorë ! 13 të arrestuar, bastisje në mbi 20 lokacione

Në Maqedoninë e Veriut po zhvillohet operacioni i gjerë “Filter”, që synon goditjen e një rrjeti të organizuar të dyshuar për kontrabandë të sasive të mëdha të cigareve.
Në aksion janë përfshirë kompani spedicionere, transportuese dhe importuese, persona fizikë, si dhe zyrtarë policorë dhe doganorë.

Sipas Drejtorisë së Doganave, hetimi është zhvilluar në koordinim me MPB-në, Byronë e Sigurisë Publike dhe Prokurorinë për Ndjekjen e Krimit të Organizuar dhe Korrupsionit. Dyshohet se përmes kontrabandës janë shmangur detyrime në vlerë prej disa milionë eurosh.

Gjatë mëngjesit janë arrestuar 13 persona, ndërsa po kryhen kontrolle në mbi 20 lokacione në Gjevgjeli, Vallandovë, Strumicë, Dojran, Veles dhe Shkup.
Detaje të tjera për operacionin “Filter” pritet të publikohen gjatë ditës nga Drejtoria e Doganave.

/lajmpress