Tv Gurra: Limani përsëri përkrah Mickoskit – pa funksion zyrtar, por i besuari i kryeministrit!

Fatmir Limani pa post në Qeveri, por ende në rrethin e afërt të kryeministrit Hristijan Mickoski. Kush është sot realisht zëri i tij në Kërçovë?
Fatmir Limani vazhdon të shfaqet në takime politike pranë kryeministrit Hristijan Mickoski, edhe pse aktualisht nuk mban asnjë funksion zyrtar në kabinetin qeveritar.

Pas takimit të fundit, Limani publikoi një mesazh domethënës në Facebook: “Kemi punuar, punojmë dhe do të vazhdojmë të punojmë… 😉”
Por pikërisht këtu lindin pyetjet: në çfarë cilësie merr pjesë Limani në këto takime dhe cili është roli i tij real brenda strukturave të pushtetit?

Në Kërçovë, prej kohësh qarkullojnë pretendime për ndikimin e tij në emërime dhe vendimmarrje institucionale. Pretendime që, nëse rezultojnë të sakta, do të nënkuptonin se pushteti formal dhe ndikimi real nuk janë domosdoshmërisht e njëjta gjë.

Dhe këtu drejtohet pyetja edhe nga VLEN-i: nëse Limani nuk mban funksion qeveritar, pse vazhdon të ketë një qasje të tillë te kryeministri? Dhe kush i merr vendimet për Kërçovën – strukturat zyrtare të koalicionit apo figurat që veprojnë jashtë posteve formale?

Takimet e përsëritura me Mickoskin nuk japin vetvetiu përgjigje, por sigurisht që hapin një debat politik që VLEN-i dhe vetë Limani nuk mund ta shmangin pafundësisht.
KËRÇOVA MBETET PENG I INTERRSAVE POLITIKE.

/tvgurra