Kërçovari Eltion Vejseli – fitues i Kupës së Maqedonisë për Pionerë U16!
Një tjetër sukses i madh për KA Uskana – Kërçovë! Sot, më 6 shtator 2026, atleti ynë Eltion Vejseli fitoi vendin e parë 🥇 në disiplinën 800 m, në Kupën e Maqedonisë për Pionerë, me kohë 2:19.57.
Rezultati bëhet edhe më i veçantë kur shohim progresin e Eltionit: më 30 maj, në Kampionatin e Maqedonisë, ai vrapoi 800 m për 2:38.25, ndërsa sot arriti 2:19.57 – një përmirësim prej pothuajse 19 sekondash në vetëm tre muaj! 👏
Ky sukses është rezultat i talentit, përkushtimit dhe punës së vazhdueshme të Eltionit, por edhe i punës së shkëlqyer të trajnerit Muxhahid Mislimi, i cili gjatë Shkollës Verore të Atletikës të KA Uskana ka punuar intensivisht me Eltionin në përgatitjen dhe zhvillimin e tij.
Shkolla Verore po tregon frytet e saj – dhe ky rezultat është dëshmia më e mirë se puna e përbashkët atlet–trajner, me disiplinë dhe vazhdimësi, sjell rezultate. 💪
Urime Eltion dhe urime trajnerit Muxhahid Mislimi!
Vazhdojmë përpara! 🏃♂️🏆
/acuskana
