Reagim dega e BDI së Kërçovë ! (FOTO)

NGA KUSH KA FRIKË VLEN QË NUK GUXON TA SHKRUAJË KËRÇOVËN – KËRÇOVË, DHE SHKUPIN – SHKUP?!
VLEN-i i “ndryshimit” na solli një standard të ri të gjuhës shqipe.
Për ta:
Kërçova është “Kichevë”.
Shkupi është “Skopje”.
Ndërsa shqipja vazhdon të trajtohet vetëm si “gjuhë e përkthyer”.

Prandaj, rezultati nuk befason askënd.
Në një MIRËNJOHJE të KXE Osllome, në vend të Kërçovës gjen “Kichevë”, në vend të Shkupit gjen “Skopje”, ndërsa emërtimin shqip të ndërmarrjes “SHA EMV – Filiali KXE Osllome” e kanë zëvendësuar me përkthimin qesharak “AD ESM – ‘nështetësia’ REK Oslomej”.
Një pjesë e emërtimit është lënë e papërkthyer nga maqedonishtja, ndërsa fjalën “Filial” kanë arritur ta “përkthejnë” me “nënshtetësi”!

Po, e lexuat mirë:
NËNSHTETËSI!
Nga “SHA EMV – Filiali KXE Osllome”, kuadrot e VLEN-it arritën të prodhojnë:
“AD ESM – ‘nënshtetësia’ REK Oslomej”.
Një “përkthim” që nuk është vetëm i pasaktë, por edhe qesharak e absurd në kontekstin ku është përdorur.
Dhe sikur këto të mos mjaftonin, dokumenti është mbushur edhe me gabime të tjera drejtshkrimore e gjuhësore. Një “shqipe” që duket sikur është përkthyer me nxitim, vetëm sa për të thënë: “Ja, e bëmë edhe shqip.”
Por kemi dy pyetje shumë të thjeshta:
Çfarë ju pengon ta shkruani KËRÇOVË?
Çfarë ju pengon ta shkruani SHKUP?

Apo edhe për toponimet shqipe duhet të merrni leje nga partnerët e koalicionit?
VLEN erdhi duke bërtitur për “ndryshim”, ndërsa sot kuadrot e tyre nuk guxojnë ta shkruajnë as emrin e qytetit të tyre në shqip.
Kjo mirënjohje është ndoshta përmbledhja më e mirë e “ndryshimit” dhe dinjitetit të VLEN-it:
Shqipja – “gjuhë e përkthyer”.
Kërçova – “Kichevë”.
Shkupi – “Skopje”.

Dinjiteti – humbur në përkthim.
Mos u shqetësoni, zotërinj të VLEN-it:
KËRÇOVË shkruhet KËRÇOVË.
SHKUP shkruhet SHKUP.
Nuk është aq e vështirë.
Duhet vetëm pak guxim dhe pak më shumë dinjitet.
BDI – Dega Kërçovë

FOTO:

/tvgurra