VLEN: Grubi para drejtësisë, “këndimi” i Bujarit dha rezultat ?
VLEN ka reaguar ndaj qëndrimeve të Bujar Osmanit lidhur me zhvillimet në Bashkimin Demokratik për Integrim (BDI), duke e akuzuar ish-ministrin e Jashtëm për heshtje ndaj Artan Grubit dhe për ambicie për të marrë drejtimin e partisë.
Në reagimin e saj, VLEN pretendon se Osmani për muaj me radhë ka heshtur për Grubin, me të cilin, sipas tyre, ka qenë pjesë e udhëheqjes së BDI-së, ndërsa sot sillet sikur nuk kanë pasur histori të përbashkët politike.
“Grubi është para drejtësisë, ndërsa Bujari vazhdon të presë momentin për të bërë hapin drejt kreut të BDI-së”, thuhet në reagimin e VLEN-it.
Sipas koalicionit, Osmani gjatë kohës që ka ushtruar detyrën e ministrit të Jashtëm e ka shfrytëzuar pozitën edhe për kalkulime të brendshme politike dhe për ambiciet e tij për drejtimin e BDI-së.
VLEN ngre pyetjen se pse Osmani nuk ka folur më herët për Grubin, duke kërkuar që ai të sqarojë qëndrimin e tij dhe raportet e mëparshme me ish-funksionarin e BDI-së. “Grubi le të përgjigjet para drejtësisë. Bujari le t’u përgjigjet qytetarëve”, përfundon reagimi i VLEN-it.
/shenja
