Gjermani: Më shumë të rinj pa punë dhe pa arsimim profesional ?

Në Gjermani, 10% e të rinjve të moshës 20–24 vjeç gjatë vitit 2025 nuk ishin as të punësuar dhe as në arsim apo trajnim profesional. Kjo shifër është rritur nga 8,8% në vitin 2022.

Arsyet kryesore lidhen me kujdesin familjar, problemet shëndetësore dhe vështirësitë në gjetjen e punës. Ekspertët e cilësojnë zhvillimin si shqetësues, pasi të rinjtë rrezikojnë një të ardhme profesionale të pasigurt, ndërsa tregu i punës humbet fuqi të kualifikuar.

Megjithatë, Gjermania mbetet nën mesataren e BE-së prej 12,9%. Përqindjen më të ulët e ka Holanda me 5,6%, ndërsa më të lartën Rumania me 22,8%. Në Gjermani preken pak më shumë gratë dhe të rinjtë që jetojnë në qytetet e mëdha.

/ts