Tuhini dhe Zajazi bashkojnë forcat – shembull i ri bashkëpunimi në diasporë

Një takim i veçantë është zhvilluar në Zvicër mes përfaqësuesve të Shoqatës Humanitare Tuhini dhe Shoqatës Zajazi, ku në qendër të diskutimeve kanë qenë projektet dhe aktivitetet e përbashkëta që pritet të realizohen në të ardhmen.

Dy shoqatat, të cilat prej vitesh veprojnë në diasporën shqiptare në Zvicër, kanë shprehur gatishmërinë që përmes bashkëpunimit të bashkojnë idetë, mundësitë dhe kontributin e tyre në projekte me interes të përbashkët.

Ky bashkëpunim merr një rëndësi të veçantë, pasi Tuhini dhe Zajazi përfaqësojnë dy nga fshatrat më të mëdha të rrethit të Kërçovës, me një diasporë të fuqishme dhe aktive në Zvicër.

Sipas përfaqësuesve të dy shoqatave, ky është vetëm fillimi i një rrugëtimi të përbashkët, ndërsa në të ardhmen priten iniciativa në fusha të ndryshme, me synim afrimin e mërgatës dhe forcimin e lidhjeve mes komunitetit kërçovar.
Kur bashkohen vullneti dhe qëllimi i mirë, përfiton i gjithë komuniteti.

/tvgurra