Kërçovë u festua 18 Gushti dita e ushtrisë

Me rastin e 18 Gushtit – Ditës së Ushtrisë së Republikës së Maqedonisë, sot në kazermën e Kërçovës “Çede Filipovski-Dame” u mbajt një ceremoni kushtuar kësaj feste dhe pjesëtarëve të Ushtrisë.

Në ceremoni, krahas nikoqirëve me komandantin Zorançe Ristovski, morën pjesë edhe kryetari i Komunës së Kërçovës, Dr. Aleksandar Jovanovski, eprorë, pjesëtarë të pensionuar të Ushtrisë, përfaqësues të Lidhjes së Luftëtarëve etj.

Ceremonia në kazermën “Çede Filipovski-Dame” u shënua me një program të përshtatshëm dhe fjalime për nder të 18 Gushtit, datë që ka rëndësi të veçantë për Ushtrinë dhe shtetin.

Kjo datë është zgjedhur në përkujtim të 18 gushtit 1943, kur në malin Slavej u formua batalioni “Mirçe Acev”, i cili konsiderohet formacioni i parë ushtarak i organizuar i Ushtrisë Nacionalçlirimtare të Maqedonisë.

Procesi i formimit të Ushtrisë bashkëkohore maqedonase filloi në vitin 1992, me nënshkrimin e marrëveshjes ndërmjet presidentit të atëhershëm Kiro Gligorov dhe udhëheqjes së APJ-së për dislokimin e ushtrisë federale nga territori i Republikës së Maqedonisë.

Me rastin e Ditës së Ushtrisë, në kazermën “Ilinden” në Shkup do të kryhet qitje nderi me artileri. Batalioni i artilerisë, duke filluar nga ora 19:00, do të shkrepë 10 salvo nga gjashtë armë artilerie, ndërsa ceremonisë do t’i paraprijë një qitje provë me një salvo në orën 18:00.

/porta.mk