Kërçovari Valon Ahmedi vazhdon karrierën në Oman, firmos me Al Nahda
Mesfushori kërçovar Valon Ahmedi, i cili në të kaluarën ka veshur edhe fanellën kuqezi të Kombëtares së Shqipërisë, do ta vazhdojë karrierën në vendet arabe, duke firmosur me klubin Al Nahda të Omanit.
Ahmedi ka nënshkruar një kontratë njëvjeçare me klubin oman, për të cilin kjo do të jetë eksperienca e tij e parë në futbollin arab. Al Nahda është një nga klubet më të njohura në Oman dhe synon të luftojë për të gjithë trofetë gjatë këtij sezoni.
Gjatë karrierës së tij, Valon Ahmedi ka ndërtuar një përvojë të pasur ndërkombëtare, duke luajtur në kampionatet e Italisë, Sllovenisë me gjigantin Maribor, Bjellorusisë, Kroacisë, Maqedonisë së Veriut me Shkëndijën e Tetovës, ndërsa së fundmi ishte pjesë e futbollit në Kirgistan.
Kalimi te Al Nahda përbën një sfidë të re për futbollistin shqiptar, i cili synon të japë kontributin e tij në objektivat ambicioze të klubit për sezonin 2026/27.
/tvgurra
