BDI Kërçovë kritikon shoqatën “Te Berza” !

BDI, Dega Kërçovë, në reagimin e saj publik ka kritikuar Lëvizjen Qytetare “Te Berza” dhe kandidatin e saj të dikurshëm për kryetar komune, duke pretenduar se ata tashmë janë pjesë e pushtetit lokal dhe qendror përmes VLEN-it.
Sipas BDI-së, për këtë arsye, mirëseardhja për mërgimtarët duhet të organizohet në mënyrë institucionale nga Komuna e Kërçovës dhe jo përmes organizatave joqeveritare. Partia vlerëson se pritja e mërgatës është përgjegjësi e institucioneve dhe jo një aktivitet që duhet të shfrytëzohet për promovim politik.

Në reagim thuhet se mërgata shqiptare meriton respekt dhe mirënjohje institucionale për kontributin e saj të vazhdueshëm në zhvillimin ekonomik dhe shoqëror të Kërçovës.

BDI thekson se do të vazhdojë të mbrojë interesat e mërgatës dhe të kërkojë trajtim të barabartë nga institucionet lokale.

/tvgurra