Ndërron Jetë Hoxha i Respektuar, Adil Ef. Dervishi nga Fshati Drogomisht i Vogël. Nguishllime familjes

Sot, në fshatin e tij të lindjes, përcollëm për në botën e amshueshme hoxhën dhe mësuesin e shumë gjeneratave, Adil ef. Dervishi.

Hoxhë Adili, për më shumë se 40 vjet, ishte në mesin e xhematit tonë, duke dhënë një kontribut të çmuar jo vetëm në vendlindjen e tij. Ai fillimisht shërbeu në fshatin Tatesh të Strugës, më pas në fshatin Sërbinovë të Gostivarit, pastaj në fshatin Drogomisht i Madh dhe, në fund, në fshatin e tij të lindjes, Drogomisht i Vogël.

Kontributi i tij është i dukshëm edhe sot e kësaj dite, ngase nga mësimet dhe përkushtimi i tij u motivuan shumë të rinj që ta mësojnë fenë e tyre. Disa prej tyre, përfshirë edhe imamin aktual, Besnik ef. Mehmedi, përfunduan edhe shkollimin fetar.

Në emër të Myftinisë së Kërçovës, imamëve dhe xhematit kërçovar, i shprehim ngushëllimet tona të sinqerta familjes Dervishi, ndërsa për hoxhën tonë të ndjerë e lusim Allahun e Madhëruar që ta mëshirojë dhe ta shpërblejë me Xhennet.

Me respekt,
15.07.2026
Kërçovë
Zyra për Informim
Myftinia e Kërçovës

/tvgurra