Apel për ndihmë nga K.F Vëllazërimi 1977 – Kërçovë

Të dashur sportdashës dhe qytetarë,
Pas apelit tonë të fundit për ruajtjen e Stadiumit të Vëllazërimit, ju falënderojmë për kulturën qytetare dhe përgjegjësinë që treguat. Reagimi juaj ishte i menjëhershëm – shumë prej jush ndërhynë dhe i ndërgjegjësuan fëmijët që të kujdesen për terrenin dhe ta shfrytëzojnë atë me përgjegjësi.

Faleminderit nga zemra! ❤️
Sot kemi edhe një apel tjetër.
Nëse secili kontribuon aq sa ka mundësi, mund të bëjmë shumë. Synimi ynë është të sigurojmë rrjeta të reja për portat dhe kushte më të mira për fëmijët tanë, që gjatë verës, kur mblidhen edhe mërgimtarët, të kenë një ambient sportiv dinjitoz, ashtu siç e meritojnë.

📸 Në fotografitë e bashkëngjitura mund të shihni gjendjen aktuale të rrjetave.
Le të solidarizohemi edhe një herë dhe, së bashku, t’u krijojmë fëmijëve kushte më të mira për sport dhe rekreacion.

💚 Kontributin tuaj mund ta bëni në llogarinë e klubit, me përshkrimin:
“Donacion për blerjen e rrjetave të stadiumit.”
➖ 240330111966676MKD
Çdo donacion, sado i vogël, është një hap drejt një stadiumi më të mirë për të gjithë.
Së bashku për fëmijët. Së bashku për KF Vëllazërimin! ⚽🤝

/ms