Kompletohen çerekfinalet e Botërorit! Kush do jetë kampion si mendoni ?

Është kompletuar zyrtarisht faza çerekfinale e Kupës së Botës 2026, pas kualifikimit të Argjentinës dhe Zvicrës në ndeshjet e fundit të 1/8 së finales, transmeton albinfo.ch.

Tetë kombëtare kanë mbetur në garë për trofeun më të rëndësishëm të futbollit botëror, ndërsa përballjet e çerekfinaleve premtojnë spektakël dhe duele mes disa prej skuadrave më të forta të turneut.

Çerekfinalet do të nisin më 9 korrik, kur Franca do të përballet me Marokun në orën 22:00.
Një ditë më vonë, më 10 korrik, në orën 21:00, do të zhvillohet dueli mes Spanjës dhe Belgjikës, një tjetër përballje mes dy pretendentëve për titull.

Më 11 korrik, në Miami, Norvegjia do të sfidojë Anglinë në orën 23:00, ndërsa çerekfinalja e fundit do të luhet në orët e para të 12 korrikut, kur Argjentina do të përballet me Zvicrën në orën 03:00.

Fituesit e këtyre katër ndeshjeve do të sigurojnë një vend në gjysmëfinalet e Botërorit, të cilat janë planifikuar të zhvillohen më 14 dhe 15 korrik.

Ndërkohë, ndeshja për vendin e tretë do të luhet më 18 korrik, ndërsa finalja e madhe e Kupës së Botës 2026 është caktuar për 19 korrik në Nju Jork, ku do të kurorëzohet kampioni i ri i botës.

/Albinfo.ch