Shoqata Humanitare Kërçova nderon Elez Aliun me Mirënjohje të Veçantë

Në mbledhjen e radhës të Shoqatës Humanitare Kërçova, Elez Aliu ( Xhakën Lez) u nderua me një Mirënjohje të Veçantë për kontributin dhe angazhimin e tij shumëvjeçar në mbështetje të bashkatdhetarëve kërçovarë në Austri.

Sipas Shoqatës, vlerësimi është një shenjë mirënjohjeje për përkushtimin, humanizmin dhe gatishmërinë e tij të vazhdueshme për të ndihmuar komunitetin.
Në këtë rast u theksua se z. Elez Aliu ka dhënë një kontribut të rëndësishëm në forcimin e solidaritetit dhe bashkëpunimit mes mërgatës dhe vendlindjes.

Shoqata Humanitare Kërçova i shprehu falënderimet për veprimtarinë e tij dhe i uroi shëndet, jetë të gjatë dhe suksese në angazhimet e ardhshme.

/votra.info