Pse duhet te perkrahet Kolonia “Omer Kaleshi” ? Shkruan Kastriot Iseini

Ka njerëz që e duan Kërçovën me fjalë, por ka edhe njerëz që e nderojnë me vepra. Me organizimin e Kolonisë Ndërkombëtare të Artit “Omer Kaleshi”, ju po i jepni qytetit tonë një vlerë të veçantë kulturore dhe po e prezantoni denjësisht para botës.

Në një kohë kur kemi nevojë për iniciativa që na bashkojnë dhe promovojnë anën më të bukur të Kërçovës, puna dhe përkushtimi juaj meritojnë respekt dhe mirënjohje.

Shpresojmë që kjo koloni të bëhet një traditë e përvitshme. Pse jo, në të ardhmen, veprat e krijuara në këtë koloni të ekspozohen edhe në mërgatë – në Zvicër, Gjermani, Austri, Amerikë dhe kudo ku jetojnë kërçovarët.

Jam i bindur se shoqatat e mërgatës do ta mbështesnin me kënaqësi një nismë të tillë, sepse arti është ura më e bukur që lidh vendlindjen me bashkatdhetarët tanë nëpër botë.
Ju uroj suksese dhe faleminderit për gjithçka që po bëni për kulturën dhe për emrin e mirë të Kërçovës. Respekt Lulzime Osmani

/ts