Urime pensionimi, mësuese Sabie Zenku! Shkruan Kujtim Limani

Sot mbyllet një kapitull i madh i jetës suaj profesionale, por kujtimi dhe ndikimi juaj do të jetojnë përgjithmonë në zemrat e nxënësve tuaj.
Ende e kujtoj me mirënjohje ditën kur më mësuat shkronjat e para të gjuhës shqipe. Me durimin, dashurinë dhe përkushtimin tuaj, ju nuk na mësuat vetëm të lexojmë e të shkruajmë, por na mësuat të duam gjuhën, dijen dhe shkollën.

Vitet kalojnë, por mësuesit e parë nuk harrohen kurrë. Ju keni lënë gjurmë të pashlyeshme në jetën e shumë brezave dhe për këtë meritoni respektin dhe falënderimin tonë më të thellë.

Ju uroj pensionim të mbarë, me shëndet, qetësi, lumturi dhe krenari për çdo nxënës që keni edukuar. Faleminderit për gjithçka që keni dhënë. Emri juaj do të kujtohet gjithmonë me dashuri dhe respekt.
Me mirënjohje të përjetshme, nxënësi juaj. ❤️📚🌹 Kujtim Limani

/ms