“Pa rezultate s’ka paga” – debat i ashpër mes gjyqësorit dhe Mickoskit !

Rritje tjetër të pagave në gjyqësor dhe prokurori nuk do të ketë deri sa nuk ka rezultate, thotë kryeministri Hristijan Mickoski, i pyetur për planet e tij për gjyqësorin në periudhën e ardhshme. Kryeministri tha se sipas marrëveshjes së fundit, rrogat e shërbimeve në gjyqësor dhe prokurori deri në vitin 2028 do të rriten për 40% kurse janë bërë dhe punësime të reja por nuk sheh rezultate nga puna e tyre. Kryeministri tha se e pakta që këto dy sektorë mund të bëjnë, edhe të veprojnë në bazë të raporteve të revizionit. Rritja e pagave në këtë sektor është kërkesë në Agjendën e Reformave.

“Rritje shtesë pa rezultate të qarta nuk ka. Madje edhe me çmimin që të bie ajo pikë. Sepse me atë që ne e bëmë është rritje e vazhdueshme e rrogave të të punësuarve. Këtë qartë do tja them në takimin e ardhshëm z.Gert Jan Kopman. Kërkohej rritje dhe u mundësua, u kërkua ndryshim ligjor, u mundësua, kërkohej rritje e numrit të të punësuarve, u mundësua punësimi. Si duan ata, në cilat gjykata duan dhe ata që I duan, I punësuan.

Këtë ne si qeveri mund ta bëjmë. Por, ne vazhdimisht të ndajmë mjete për rritjen e buxhetit, për rritjen e pagave pa pasur asnjë rezultat, gjegjësisht duke pasur rezultate që na kthejnë pas, këtë nuk do ta tolerojmë madje edhe me çmimin që kjo pikë të mos jetë e suksesshme. Por, edhe të mos jetë ajo kërkesë e suksesshme, nëse ky është kushti ne përsëri, edhe në raportin e qershorit do të jemi më të mirë se sat ë vetëshpallurit frontmena, ashtu siç ishim në dhjetor.

Dhe ashtu do të jemi deri në fund dhe do ta izolojmë atë për të cilën sot flet opozita, ndryshim të Kushtetutës, gjithçka tjetër do ta bëjmë dhe do ta realizojmë, atë që varet nga ne, por ndryshimin e Kushtetutës do ta izolojmë,” deklaroi Hristijan Mickoski, Kryeministër.

/Alsat.mk